swimming

Miguel Molina pasok na sa Olympics

CELESTE MARING MANILA

Sanggol pa lamang si Miguel Molina nang
maisipan ng kanyang ama na ilagay siya sa
bathtub na puno ng tubig. Sa halip na matakot,
tuwang-tuwa na lumutang at tila lumalangoy na
agad si Molina, isang patunay na ipinanganak nga
siya upang lumangoy.

Muli, ipinamalas ni Molina, tinagurian sa ngayon na
“Prinsipe ng swimming sa Pilipinas,” ang kanyang
husay sa sport ng maging unang Pilipino na
makakuha ng tiket papunta sa Beijing Olympics na
gagawin sa Agosto ng susunod na taon.

Nakamit ni Molina, Southeast Asian (SEA) Games
triple gold winner, ang karangalan na makasiguro
ng slot sa Olympic team nang magsumite ng oras
na dalawang minuto at 03.73 seconds sa men’s
200-meter individual medley sa World
Championships sa Melbourne, Australia.

Itinakda ng Fina, ang world governing body sa
aquatics, ang qualifying time sa dalawang minuto
at 05.65 seconds para sa mga gustong
makasama sa Beijing Olympics sa susunod na
taon.

Isa si Molina sa tatlong best performing athletes sa
2005 SEA Games na idinaos sa Maynila
makaraang manalo ng tatlong gintong medalya sa
swimming.

Bunga ng pagkakakwalipika ni Molina,
kasalukuyang nagsasanay sa Estados Unidos, sa
2008 Olympics, umangat ang kanyang
pandaigdigang ranking sa 24th mula sa dating
puwesto na 30th.

Kahit pa lumaki si Miguel Molina sa Estados
Unidos, pinili pa rin nito na lumangoy sa Olympics
para sa Pilipinas.

Ang kanyang dahilan, mahal niya ang Pilipinas.

Ipinanganak si Molina sa Quezon City pero
pumunta ang kanyang mga magulang na sina
Tomas at Mitos Molina sa Tokyo, Japan nang siya
ay tatlong taong gulang pa lamang bago siya nag-
aral sa California.

Nagsimula siyang lumangoy noong siya ay anim
na taong gulang pa lamang at ang unang torneo
na kanyang sinalihan ay isang swimming
competition para sa first grade school.

“I’ll be swimming for the Philippines in the 200 IM
(individual medley). Mostly all my relatives live in
the Philippines, except for two of my aunts. For the
most part, my aunts and uncles and grandparents
are in the Philippines,” wika nito.

Ipinagmamalaki niya ang kanyang performance sa
200 individual medley na ayon sa kanya ay isa sa
paborito niyang event.

“I have 2:04.9 in the 200 IM, 1:52.8 in the 200 free
and 2:20.8 in the 200 breast. I think one of my best
event is the 200 IM, but it is going to be really
tough competition.

“Since the last Olympics, the IM is one of the
disciplines in swimming that has improved the
most in four years,” wika nito.

Ngayon pa lamang ay aminado na si Molina na
sabik na siya sa kompetisyon kahit pa pinipilit
niyang hindi muna isipin ang 2008 Olympics.

“I am excited, however, to see all these great
athletes I only see on TV. But I don’t want to be that
guy who is in the Olympics just to see other
athletes and get pictures and autographs,” aniya.
“I want to compete, too, and take the races
seriously,” dagdag nito.

“I just try not to think about it too much so I don’t
lose sleep over it. I don’t think I’ve fully realised the
fact that I’m going to compete again in the
Olympics yet, though. Perhaps when I get there, or
maybe even after I do my swimming, the fact will
settle in,” pahayag ni Molina.

Sinabi rin nito na mas huhusayan pa niya ang
kanyang performance kumpara sa nagawa niya
noong 2004 Olympics nang magtala siya ng 2:
05.28 upang pumangatlo sa kanyang heat sa 200
IM.

Ang ibang kasamahan ni Molina sa national
swimming team ay tutungo naman sa China para
magsanay kasama ng kanilang coach.
Mahabang panahon ang gugugulin ng mga
trainees sa Guangdong province.

Bunga ng
pagkakakwalipika
ni Molina,
kasalukuyang
nagsasanay sa
Estados Unidos, sa
2008 Olympics,
umangat ang
kanyang
pandaigdigang
ranking sa 24th
mula sa dating
puwesto na 30th.

back to top